Sabías que…?

…a toponimia do concello de Cerceda está aprobada por un decreto da Xunta?

Segundo o artigo 10 da Lei 3/1983 de normalización lingüística, correspóndelle á Xunta de Galicia a determinación dos nomes oficiais dos municipios, dos territorios, dos núcleos de poboación, das vías de comunicación e dos topónimos de Galicia.

Deste xeito, a Xunta de Galicia aprobou, en diferentes decretos, a toponimia oficial vixente en Galicia (o Decreto 189/2003, DOG do 25 de marzo, para o caso da provincia da Coruña).

Nesta ligazón pode consultar as formas oficiais, por parroquias, dos topónimos do Concello de Cerceda. Se precisa comprobar o Nomenclátor de Galicia pode facelo a través do enderezo http://www.xunta.es/nomenclator.