A empresa galega A Navalla Suíza presentou o martes 26 de xaneiro un documental colaborativo sobre a relación dos e das galegas coa lingua galega, "unha historia colectiva sobre a lingua, dende o punto de vista dos seus falantes. É, por tanto, unha historia feita a partir de pequenas historias, un discurso feito con moitos discursos diferentes e variados" segundo anuncian na propia páxina web do proxecto, EuFalo.tv.

O proxecto parte co obxectivo de pór "caras ao Mapa Sociolingüístico de Galicia". Todos os galegos e galegas temos unha relación coa nosa lingua, unha historia ou anécdota que contar. Por iso, as persoas que están detrás do proxecto piden a colaboración da rede para, entre todos, crear un "documental sen fin" sobre a lingua. Só precisamos unha cámara de vídeo (ben vale a do móbil ou a dixital de fotos), unha historia e enviar un correo electrónico a  info at eufalo.tv.

Podes achar máis información sobre o proxecto e ver os vídeos que xa están dispoñíbeis na páxina web EuFalo.tv. Para colaborares, podes informarte nesta ligazón.

Posted under Dinamización

O galego que non fala

Na lingua da súa terra

Non sabe o que ten de seu

Nin é merecente dela.

("Da Vella Roseira", Victoriano Taibo)

Mañá 17 de maio celebraremos o Día das Letras Galegas manifestándonos en Compotela en defensa do noso idioma. Porque o galego é a nosa columna vertebral, o idioma que nos une. Vén canda nós, para expresarmos todas e todos xuntos que queremos vivir en galego.

Adherímonos así mesmo ao Manifesto pola convivencia lingüística e a igualdade de dereitos para o galego, promovido pola asociación A Mesa pola Normalización Lingüística.

Esta entrada é unha acción conxunta de todas aquelas persoas e blogues que nos agrupamos en Blogues pola lingua. Únete a nós.

Posted under Dinamización