De Imaxes do blogue

O portal galego de novas, Vieiros, vén de anunciar dous certames que xa son tradición na rede: o A Polo Ghit e Unha imaxe para o galego, o primeiro en colaboración coa RTVG e o segundo coa Secretaría Xeral de Política Lingüística.

O primeiro certame, que xa vai pola cuarta edición, consiste en elixir a canción galega do verán entre as que se enviaren. Para participar, os temas teñen que ser orixinais, a letra debe estar en galego e teñen que ter as características típicas dunha canción do verán. Haberanse de mandar en formato MP3 aos enderezos electrónicos  apologhit at vieiros.com e  apologhit at crtvg.es, ou ben en formato físico por correo tradicional a Extrarradio, Radio Galega, San Marcos, 15820 Santiago de Compostela e mais a Vieiros, Rúa do Pombal, 43, soto, 15705 Santiago de Compostela.

Nesta ligazón podes escoitar e descargar os traballos que se presentaron nas edicións anteriores.

O segundo certame, Unha imaxe para o galego convida a enviar fotografías e vídeos que respondan ás seguintes preguntas: Que significa a lingua para ti? Como animar a usala? Como construírmos unha lingua con futuro?

O prazo para enviar os traballos é do 12 de maio até o próximo 30 de xuño.

Posted under Dinamización

Máis un ano, o xornal dixital Vieiros vén de convocar o certame "Unha imaxe para o galego".

Segundo as palabras dos organizadores deste premio, andan á procura de vídeos e de imaxes que reflictan "ese milagre que é a transmisión da lingua (iso que permite que o idioma pase de xeración en xeración e perviva no tempo)". O prazo para participar neste certame remata o 30 de xullo e os premios están compostos dunha cámara de fotos dixital e mais unha cámara de vídeo, segundo a categoría.

Se estás interesado en gañar o premio, podes consultar as bases na páxina do certame: http://www.vieiros.com/unha-imaxe-para-o-galego08/

Posted under Dinamización